खासगी संस्था तथा विकसकांच्या सहभागासाठी, त्यांना प्रेरित करण्यासाठी पुणे महानगर प्रदेश विकास प्राधिकरणाने पायाभूत सुविधा धोरण तयार केले आहे. दि. १७ मार्च, २०१६ पासून या धोरणाची अंमलबजावणी सुरु केली आहे. या धोरणामुळे प्राधिकरणास पुणे महानगर क्षेत्रामध्ये पायाभूत सुविधांचे उद्दिष्ट साधण्यासाठी मदत होणार असून त्यामुळे शाश्वत विकास साधला जाणार आहे. या धोरणांतर्गत वाहतुकीची कोंडी सोडविणाऱ्या, वाहतुकीच्या परिस्थितीमध्ये सुधारणा करणाऱ्या जागतिक दर्जाच्या पायाभूत सुविधांच्या प्रकल्पांना प्रोत्साहन दिले जाईल.

रस्ते, उड्डाणपूल, नदीवरील पूल, पाणीपुरवठा योजना, जलनिस्सारण योजना, सांडपाणी योजना, घनकचरा व्यवस्थापन योजना आणि इतर सार्वजनिक पायाभूत सुविधा आदी प्रकल्पांचा यात प्रामुख्याने समावेश असेल. जास्तीत जास्त नैसर्गिक साधनांचा पुनर्वापर करता येण्याजोग्या संसाधनाद्वारे ऊर्जानिर्मिती करून त्याद्वारे पर्यावरणावर पडणारा ताण कमीत कमी ठेवणे हा या धोरणाचा केंद्रबिंदू राहणार आहे.

संस्कृती, वारसा आणि मनोरंजनाच्या उद्देशाने येणाऱ्या आंतरराष्ट्रीय पर्यटकांचे प्रमुख आकर्षण ठरेल अशा रीतीने पुणे महानगर प्रदेशाचा विकास घडविणे हे पायाभूत सुविधा आणि आर्थिक वृद्धी विभागाचे प्रमुख साध्य असेल. त्यासाठी पुणे महानगर प्रदेश विकास प्राधिकरणाद्वारे खालील प्रकारच्या सुविधा पुरविणाऱ्या नागरी वसाहती निर्मिल्या जातील -

सुनियोजित आणि सुसूत्र विकास राखून त्यायोगे पुणे महानगर प्रदेश विकास प्राधिकरणाद्वारे समाजातील सर्वात तळागाळाच्या स्तरापासून ते सर्वोच्च स्तरांतील प्रत्येक नागरिकांच्या गरजांची पुर्ती होईल, याकडे विशेष लक्ष देण्यात येईल.