अस्तित्वातील आणि चालूस्थितीतील अवैध बांधकामांवर कारवाईसाठी पुणे महानगर प्रदेश विकास प्राधिकरणामधील वर्तन प्रणाली व्यवस्थापन विभागाची स्थापना करण्यात आली आहे. या अवैध विकासकामांमुळे आजूबाजूच्या नागरिकांना जीवाचा धोका संभवतो. तसेच आर्थिकदृष्टया संवेदनशील क्षेत्रांमध्ये व्यावसायिक विकासाचा वेगही मंदावतो.

अनियोजित नागरी विकास आणि अवैध बांधकामांमुळे शहराचे नियोजन आणि त्या क्षेत्रातील पर्यावरण संतुलनही विस्कळीत होते. त्यामुळे वैध नियमांचे पालन करणाऱ्या बांधकामांना यथोचित सहाय्य करणे आणि अवैध तसेच बेकायदेशीर बांधकामांवर कडक कारवाई करणे यावर पुणे महानगर प्रदेश विकास प्राधिकरणाचा कटाक्ष असेल. पुणे महानगर क्षेत्रात फक्त वैध आणि अधिकृत बांधकामांनाच उत्तेजन देऊन येथील जीवनमान उंचावणे आणि जीवनशैली निर्देशांक सुधारणे यावर भर असेल.

आयओएस, अँन्ड्रॉइड आणि इतर स्मार्टफोन्सवर विनामूल्य डाऊनलोड करता येण्याजोग्या मोबाईल अँपचा वापर वर्तन प्रणाली व्यवस्थापन विभागामार्फत करणेत येतो. आपले नाव गुप्त ठेवून नागरिक या अँपद्वारे पुणे महानगर प्रदेश विकास प्राधिकरणाकडे अवैध अथवा बेकायदेशीर बांधकामांबाबत माहिती देऊन कठोर कारवाईची मागणी करू शकतात. अवैध वागणूकीला पायबंद घालण्यासाठी जनसामान्यांचा सहभाग प्राप्त करून घेणारी ही पहिली पायरी आहे.